កំណាព្យបទសំលាញ់ចិត្តអើយ

 សម្លាញ់​ចិត្តអើយ

បទកាកគតិ

សម្លាញ់​ចិត្តអើយ                  អធ្រាត្រ​ដល់​ហើយ                បង​គេង​មិន​លក់        

គេង​កើយ​ឱប​ទុក្ខ                  ស្នេហ៍​ដែល​វី​វក់                     វង្វេង​ងប់​ឆ្លក់

                                                          នឹង​ស្រស់​នួនល្អង ។

សម្លាញ់​ចិត្តអើយ                  ដឹង​ទេ​ត្រាណ​ត្រើយ               ទឹក​ចិត្ត​ប្រុស​បង

ស្រឡាញ់​អូន​ស្រី                  គ្មាន​ថ្ងៃ​កន្លង                       បើ​អូន​បែរ​ខ្នង​

                                                          បង​ច្បាស់​ត្រូវ​ក្ស័យ។

សម្លាញ់​ចិត្តអើយ                  ​លង់ស្នេហ៍​អូនហើយ              សូម​អូន​អភ័យ

បើ​អូន​បាន​ដឹង                     បេះ​ដូង​ប្រុស​ថ្លៃ                    ជំពាក់​លើ​ស្រី

                                                          យប់​ថ្ងៃ​គេង​ព្រួយ។

សម្លាញ់​ចិត្តអើយ                  ទ្រូង​រែង​ឥ​ត​ស្បើយ                ញាប់​ញ័រ​រញ្ជួយ

គេង​ព្រួយ​ម្នាក់​ឯង                 រស់​តែ​ខ្លួន​មួយ                      មេត្តា​អូន​ជួយ

                                                          ស្នេហា​រោគា។                              

សម្លាញ់​ចិត្តអើយ                  កត្តិក​ផុត​ហើយ                    ទ្រូង​បង​រងា    

ត្រជាក់​កាយា                      ឱរា​កំព្រា                  ​          រស់​ទាំង​គ្រាំគ្រា

                                                          ស្នេហ៍​អូន​ម្នាក់ឯង។

សម្លាញ់​ចិត្តអើយ                  អូន​មិន​ដឹង​ឡើយ                  ទ្រូង​បង​ចំបែង

ខ្លាច​អូន​មិន​ស្ម័គ្រ                  អូន​មាន​អ្នក​ផ្សេង                  ច្បាស់​បង​វង្វេង

                                                          ប្រេះ​បែក​ឱរា។

សម្លាញ់​ចិត្តអើយ                  យប់​ជ្រៅ​ណាស់​ហើយ            អូន​អើយ​ស្នេហា

គ្មាន​ថ្ងៃ​ធ្មេច​ភ្នែក                   ដេក​ស្រួ​ល​កាយា                  ព្រោះ​ស្នេហ៍​ជីវ៉ា

                                                          រៀម​រ៉ា​ស្គម​ប្រាណ។

សម្លាញ់​ចិត្តអើយ                  ផុត​សង្ឃឹម​ហើយ                  ថា​នឹង​បង​បាន​

បណ្តូល​ស្នេហា                     កៀក​កើយ​ក្សេម​ក្សាន្ត             រួម​រស់​ពីរ​ប្រាណ

                                                          សាង​ស្នេហ៍​មេត្រី។

សម្លាញ់​ចិត្តអើយ                  ​ក្រ​ដល់​ម្ល៉ឹងហើយ                  ម្តេចស្រ​វា​ ​ស្រី?

ឈោង​ចាប់​ព្រះចន្រ្ទ               ជើង​ទាបទល់ដី                    បង​ទន្សាយ​ព្រៃ

                                                          គ្មាន​ទេ​វា​សនា។

សម្លាញ់​ចិត្តអើយ                  អូន​ខ្ពស់មែន​ហើយ                ខ្ពស់​ហួស​ហត្ថា

អង្អែល​បី​បម                       ប្រលោម​ស្នេហា                             គួរ​អនិច្ចា

                                                          បង​ត្រឹម​ទន្សាយ។

សម្លាញ់​ចិត្តអើយ                  អូន​មិន​យល់ឡើយ                ម្ល៉េះ​មិន​ខ្វល់ខ្វាយ

អូន​ជា​​ចន្រ្ទា                        ពុំងា​បង​ស្តាយ                      ទោះ​បន្ទាបកាយ

                                                          បង​ឈោង​មិន​ដល់។

សម្លាញ់​ចិត្តអើយ                  គុក​ស្នេហ៍​នោះហើយ              ដែល​បង​តែ​ង​ខ្វល់

ជញ្ជាំង​វណ្ណៈ                       ក្រាស់​ណាស់​បង​យល់            ទុក្ខ​ស្នេហ៍​កង្វល់

                                                          ទន្សាយ​ប្រាស់​ព្រាត់៕

ភ្នំពេញ រាត្រី​ថ្ងៃ​ ០៧ មករា ២០១០

                                                                              ហេង-ឧត្តម

ផោម (POUM) Break Wind

ពាក្យផោមមួយមាត់ ដូចធម្មតា     The “POUM” one word is normal

តែបើពិចារ គិតឲ្យវែង                   But if take into consideration

អាចចែកជាពីរ មិនមែនលេង       It can divide into two parts

អ្នកមានផោម ផ្សេងពីអ្នកក្រ។      POUM of rich and poor are different.

អ្នកមានអ្នកទ្រើស ពេលគេផោម  When the rich or high rank’s POUM,

អ្នកតូចអ្នកក្រោម ចោមត្រេកអរ  Subordinate or low see happily

បញ្ចើចបញ្ចើ ព្រួតទាំងស្រ            and appreciate

ថាដើរខ្យល់ល្អ មើលសាច់គេ ។      as well as they are healthy.

ខ្លះទៀតទោះស្អុយ មិនហ៊ានស្តី      Even it was so bad smell, but still ignore,

ទ្រាំស្ងៀមធ្វើហី បន្ទរទ្វេ                not only just silence, but also appreciate

ផោមធូម្ល៉ឹងៗ ទើបបានគេ             that because they’re good health

ធូធារម្ល៉េះទេ សុំពឹងពាក់ ។             that’s why they are rich whom we can ask for.

បើអ្នកក្រផោម គេចោមជេរ         If the poor‘s POUM, they blame

ថាស្អុយម្ល៉េះទេ ជួនចង់ធាក់           so bad smell, sometimes may be kicked

រអ៊ូបណ្តេញ គ្មាននាងអ្នក            complained and asking out, saying

ក្តិតវាអត់លក្ខណ៍ បានជាល្ហាម៕   “you are so bad that’s why you are poor”.

By: PROEUNG Pranit

Bottom of Form

តើកំណាព្យគឺជាអ្វី ?

កំណាព្យ គឺជាកម្រងពាក្យសម្តីដែលមានការចាប់ចុងចួន រណ្តំណែងណង មានឃ្លា​ មានល្បះ និងមានកម្រិត ចំនួន ព្យាង្គជាកំណត់ ហើយអ្វីៗផ្តើមចេញពីប្រតិដ្ឋប្រដូច អ្នកនិពន្ធ អ្នកកវី  ដោយនាំអ្នកអានឲ្យ រំភើប រីករាយ អន្លង់អន្លោច សោកសង្រេង ឈឺចាប់ តាមរយៈសម្ផស្ស នៃទឹកប៊ិច។ ខ្ញុំជាកូនខ្មែរ ខ្ញុំមានមោទនភាពណាស់ ដែលបានស្គាល់ បានទទួល នូវមរតកដ៏ថ្លៃថ្លារបស់បុព្វបុរសខ្មែរយើង គឺមហាកំណប់ខ្មែរ៕ អានបន្ត...

សិល្បៈនៃការតែង

១/ បទមេបួន	១៥/ បទនមោ	២៩/ បទគ្របចក្រវាឡ	៤៣/ បទអើយរ៉ា
២/ បទបថ្យាវត្ត	១៦/ បទអក្សរលូន	៣០/ បទម្ករខ្ជាក់កែវ	៤៤/ បទសុក្រទិនវិសាល
៣/ បទកាកគតិ	១៧/ បទអក្សរសង្វាស	៣១/ បទឆ័ត្របីជាន់	៤៥/ បទសោរទិនវិសាល
៤/ បទព្រហ្មគតិ	១៨/ បទកង្កែបលោតកណ្តាលស្រះ	៣២/ បទរលកយោលយាវ	៤៦/ បទត្រឡាចឡើងទ្រើង
៥/ បទពំនោល	១៩/ បទកង្កែបលោតលើគោក	៣៣/ បទរលកខ្ទប់ច្រាំង	៤៧/ បទយត្តិក័ង្គ
៦/ បទបន្ទោលកាក	២០/ បទកង្កែបស្លាក់ពេជ្រ	៣៤/ បទសហរា	៤៨/ បទជាប់ទង
៧/ បទភុជង្គលីលា	២១/ បទកង្កែបលោតផ្ទាត់ខ្ចៅ	៣៥/ បទវិវិធមាលី	៤៩/ បទសបាត់សប៉ឹង
៨/ បទពាក្យ ៦	២២/ បទបរិព័ទ្ធ	៣៦/ បទពស់លេបកន្ទុយ	៥០/ បទត្រីពិនព័ន្ធ
៩/ បទពាក្យ ៧	២៣/ បទគៀវក្រវាត់	៣៧/ បទរមាំងបើកបាស	៥១/ បទសឡាបលូន
១០/ បទពាក្យ ៨	២៤/ បទនាគរាជប្លែងឬទ្ធ	៣៨/ បទថយក្រោយចូលព្រែក	៥២/ បទវង្សវិចិត្រ
១១/ បទពាក្យ ៩	២៥/ បទគោព័ទ្ធស្នឹង	៣៩/ បទរមាំងបើកបាស	៥៣/ បទព្រះចន្ទបាំងឆ័ត្រ
១២/ បទពាក្យ ១០	២៦/ បទសឹង្ហតោលេងកន្ទុយ	៤០/ បទទន្សាយទីសទាស	៥៤/ បទអក្សរលូន (បែបកាកគតិ)
១៣/ បទពាក្យ ១១	២៧/ បទរមាំងជើងព្រៃ	៤១/ បទមាន់បណ្តើរកូន
១៤/ បទ ក ខ	២៨/ បទផ្កាឈូករីក	៤២/ បទសារថីទាញរថ

Bottom of Form